बनेपा नगरपालिकाको आयोजना तथा ८ नं. वडा कार्यालय बनेपाको संयोजनमा "स्वास्थ्यको लागि खेलकुद, राष्ट्रको लागि खेलकुद" भन्ने नाराका साथ फागुन १८ गते देखि फागुन २६ गते सम्म सञ्चालित चौथो मेयर कप अन्तर वडा स्तरीय फुटबल प्रतियोगता २०८० को फाइनल खेलमा बनेपा नगरपालिका वडा नम्बर ९, वडा नम्बर ८ संगको खेलमा २-१ काे अन्तरले विजयी

बनेपा नगरपालिकाको आयोजनामा संचालित बनेपा नगरस्तरीय पाँचौं अन्तर विद्यालय राष्ट्रपति रनिङ्गशिल्ड प्रतियोगिता-२०८० को समापन कार्यक्रम

बनेपा नगरपालिकाको आयोजनामा संचालित आ.ब. २०७९।०८० मा सम्पादित कार्यक्रमहरूको वार्षिक समीक्षा गोष्ठी

बनेपा नगरपालिका र रेयुकाई आँखा अस्पताल बनेपाको संयुक्त आयोजनामा बनेपा नगरका सामुदायिक तथा संस्थागत विद्यालयका विद्यार्थीहरूको लागि निःशुल्क आँखा शिविर संचालन

बनेपा नगरपालिकाको आयोजना तथा नेपाल घरेलु तथा साना उद्योग महासंघ काभ्रे शाखाको सहकार्यमा संचालित महिला संग उपमेयर कार्यक्रम अन्तर्गतका बिभिन्न तालिम लिनुहुने सहभागीहरूलाइ प्रमाण-पत्र बितरण तथा समापन कार्यक्रम

बनेपा नगरपालिका र नेपाल पत्रकार महासंघ काभ्रे शाखाको आयोजनामा प्रमुख अतिथि माननीय श्री कृष्णहरी बाँस्कोटाज्यूको प्रस्तुती सहित बनेपा नगरपालिकाका निर्वाचित जनप्रतिनिधिहरू, काभ्रे जिल्लाका पत्रकारहरू र नगर कार्यपालिकाका कर्मचारीहरू को सहभागीतामा संचालित "सूचनाको हक तथा स्थानीय सरकार सञ्चालन सम्बन्धी अभिमुखिकरण कार्यक्रम" मा कम्प्यूटर तथा प्रविधिको आवश्यकता तथा जानकारी सम्बन्धी अभिमुखिकरण प्रदान गर्नुहुदै Emerge Computer Education का सह–सञ्चालक रुकेश राजभण्डारी । 'गुणस्तरीय कम्प्यूटर तथा प्रविधिको शिक्षा आजको आवश्यकता' भन्ने मूल उदेश्यका साथ यस कार्यक्रममा सम्पूर्ण उपस्थित पदाधिकारी ज्यूहरुलाई प्रविधि मैत्री ज्ञानको बारेमा जानकारी प्रदान गरिएको थियो भने उक्त कार्यक्रम पश्चात हाम्रो यस बनेपा नगरपालिका वाडा लगायतका जन प्रतिनिधि तथा पदाधिकारी ज्यूहरुलाई चारदोबाटो, बनेपा - ७, काभ्रेमा अवस्थित Emerge Computer Education मा ६ महीने Basic Computer र Professional Office Package का कम्प्युटर कोर्स प्रदान गर्नु भएको थियो । उक्त कम्प्युटर कोर्सहरुमा Microsoft Office, Microsoft Excel, Microsoft Power point लगायतका दैनिक कार्यालय उपयोगिताका कम्प्युटर विषयहरू अध्यापन हुने जानकारी दिनु भएको थियो भने यस आधुनिक तथा समयसामयिक कम्प्युटर शिक्षाबाट हाम्रो यस बनेपा नगरपालिकाका पदाधिकारी ज्युहरु दैनिक कार्य प्रविधिमा सरलता तथा गुणस्तर अभिवृद्धिमा थप टेवा पुग्नेमा हामी विश्वस्त रहेका छौ।

बनेपा नगरपालिका शिक्षा, युवा तथा देलकुद शाखाको आयोजनामा पञ्च वर्षीय नगर शिक्षा योजना निर्माण सम्बन्धी सरोकारवालाहरूसंगको श्री चण्डेश्वरी माध्यमिक बिद्यालय, बनेपा ४ मा उप-प्रमुख र नगर शिक्षा योजना निर्माण कार्यदलका संयोजक श्री रेखा सापकोटा(दाहाल)ज्यूको समुपस्थितिमा बनेपा  नगरपालिका वडा नं. १,२,३ र ४ का जनप्रतिनिधिहरू, शिक्षक अभिभावक संघका संयोजकहरू, प्रधानाध्यापकहरू र शिक्षकहरूको सक्रिय सहभागितामा १ दिने कार्यशाला गोष्ठी सम्पन्न भयो ।

बनेपा नगरपालिकाको सातैं नगर सभा आज सम्पन्न भएको छ । नगर प्रमुख एवम नगर सभाका अध्यक्ष श्री लक्ष्मीनरसिंह वादे श्रेष्ठको अध्यक्षतामा सम्पन्न भएको नगर सभाको शुभारम्भ सभाध्यक्षबाट पानसमा दिप प्रज्वलित गरेर भएको थियो । राष्ट्रिय गान गाएर सम्मान प्रकट गरिएको शुभारम्भ समारोहमा ज्ञात अज्ञात सहिदको सम्मानमा एक मिनेट मौन धारण गरिएको थियो ।  उपप्रमुख रेखा सापकोटा दाहलबाट स्वागत मन्तव्य राख्ने क्रममा नगरपालिकाले चालु आ.व. को फागुन ९ गतेसम्म सम्पादित महत्वपूर्ण कार्यक्रमहरूको चर्चा भएको थियो । स्वागत मन्तव्य पछि सभाध्यक्षको सम्बोधन रहेको थियो ।

सभाध्यक्षको सम्बोधन पछि विषयगत समितिका संयोजकहरूबाट क्षेत्रगत प्रगति प्रतिवेदन प्रस्तुत गर्ने कार्यसूची बमोजिम आर्थिक विकास समितिका संयोजक श्री सचितानन्द के.सी., सामाजिक विकास समितिका संयोजक श्री चन्द्रबहादुर खड्का, वन र विपद् व्यवस्थापन समितिका संयोजक श्री शिवकुमार थापा, सुशासन तथा संस्थागत विकास समितिका संयोजक श्री रामबहादुर थापा, वातावरण समितिका संयोजक श्री वर्ण शाक्य र पूर्वाधार विकास समितिका संयोजक श्री श्यामसुन्दर श्रेष्ठबाट आआफ्नो क्षेत्रगत प्रगति प्रतिवेदन प्रस्तुत भएको थियो ।

सभामा विभिन्न सदस्यहरूले राखेका जिज्ञासा सम्बन्धित समितिका संयोजक एवम सभाध्यक्षबाट सम्बोधन भएको थियो ।

पत्रकारहरूको बाक्लो उपस्थिति रहेको सभाको कार्यसूची अनुरूप प्रमुख प्रशासकीय अधिकृत श्री कविराज उप्रेतीबाट आवश्यक सहजिकरण भएको सभामा वातावरण संरक्षण विधेयक स्वीकृत गर्ने  साँस्कृतीक संग्राहलय स्थापना गर्ने तथा बाजे बज्यै पार्क निर्माण गर्ने लगायतका विभिन्न प्रस्तावहरू पारित भएका थिए ।

सभाध्यक्षबाट धन्यवाद मन्तव्य सहित सभा विसर्जन भएको थियो ।

निर्वाचन पूर्वाधार विकास कार्यक्रम अन्तरगत काभ्रे जिल्ला निर्वाचन क्षेत्र नंं. २ अन्तरगत स्वीकृत बनेपा न.पा. वडा नं. ८ स्थित लायकु खुल्ला सभाहल निर्माण कार्यको बनेपा नगरपालिकाका प्रमुख श्री लक्ष्मी नरसिंह बादे श्रेष्ठ ज्यूवाट एक समारोक वीच सिलान्यास कार्यक्रम सम्पन्न । २०७६।०२।२३

नृत्य निर्देशक संघ नेपाल काभ्रेको अायोजनामा नेपाल सरकारका सञ्चार तथा सूचना प्रविधि मन्त्री माननीय श्री गोकुल प्रसाद बास्कोटा ज्यूको प्रमुख अातिथ्यतामा बनेपा नगरपालिकाबाट शुरू गरिएको साँस्कृतिक झाँकी सहित नगरपरिक्रमा गरि अरनिको पार्टी प्यालेस, बनेपामा २०७५ असार २३ गते गरिएको ३ नं. प्रदेश स्तरीय बृहत नृत्य महोत्सव २०७५ का केहि दृष्यहरू ।

बनेपा नगरपालिका वडा नं. ७ अन्तरगत संगम मार्ग उपभोक्ता समिति द्वारा संगम मार्ग सडकमा ३०० मिटर कालोपत्रे गरिदै र दिपङ्कर कवँप्वो ढयो च्छेः पुन निर्माण कार्य  अन्तरगत एक तल्ला भवन निर्माण सकीएको तस्विरहरू । साथमा बनेपा न.पा. उप-प्रमुख ज्यू, वडा अध्यक्ष, योजना अधिकृत र उपभोक्ता समितिका अध्यक्ष ज्यूहरू ।

बनेपा नगरपालिकाको आयोजनामा काभ्रेपलाञ्चोक जिल्ला क्षेत्र नं. २ का नव निर्वाचित प्रतिनिधिसभा सदस्य माननीय श्री गोकुल प्रसाद बाँस्कोटा  र  प्रदेशसभा सदस्य माननीय श्री बसुन्धरा हुमागार्इ ज्यूको स्वागत तथा बधार्इ कार्यक्रम मितिः२०७४ पुस ७ गते बनेपा नगरपालिकाको सभाहलमा सम्पन्न ।